Լուրեր

Ավելի բացահայտ միջամտություն պետության ներքին գործերին դժվար է պատկերացնել․ Աշոտյան

14.12.2025

 ՀՀԿ փոխնախագահ Արմեն Աշոտյանը ֆեյսբուքյան իր էջում գրել է․

 
«Քիչ առաջ «ՀՀ ԱԳՆ-ն» հաղորդագրություն տարածեց, ըստ որի  “դեկտեմբերի 15-ին ՀՀ ԱԳ նախարար Արարատ Միրզոյանն աշխատանքային այցով գտնվելու է Բրյուսելում՝ մասնակցելու ԵՄ անդամ պետությունների արտաքին գործերի նախարարների խորհրդի ձևաչափով հանդիպմանը»։
 
Այցելելով Եվրոպական խորհրդի կայքը՝ տվյալ նիստի հետ կապված գտա հետեւալ հաղորդագրությունը ( նկար 1-ին ) ՝ «դեկտեմբերի 15-ի Արտաքին գործերի խորհրդին ընդառաջ ԵՄ ԱԳ նախարարները նախաճաշի ( !!!՝ ընդգծվում է իմ կողմից ) ընթացքում ոչ պաշտոնական փոխանակում կունենան Արարատ Միրզոյանի հետ»։
Հերթական մանիպուլյացիան բացահայտվեց՝ Արարատը ոչ թե ԵՄ նախարարների ձեւաչափով հանդիպման է մեկնում, այլ նրանց հետ նախաճաշի։
Թեմայի հետագա ուսումնասիրությունները բերեցին ինձ Լատվիայի ԱԳՆ կայք (նկար 2), որի շնորհիվ իմացանք, որ գալիք նախաճաշի շրջանակներում քննարվելու են Հայաստանում գալիք խորհրդարանական ընտրությունները (!!!՝ ընդգծվում է իմ կողմից):
 
Այսինքն, բեկոնի, պանրի տեսականու, օմլեթի եւ տաք կրուասանների ակոմպանիմենտով դրսի ( կապ չունի թե որ ! ) շրջանակները քննարկելու են ՄԵՐ երկրի ընտրությունները։
 
Կրկնեմ՝ կապ չունի, թե որ մայրաքաղաքներում է Հայաստանը հայտնվում նախաճաշի՝ գեոպոլիտիկ եւ իրական, մենյույում՝ Բրյուսել, Մոսկվա, Վաշինգտոն etc:
Ակնհայտ է, որ Հայաստանի «էլեկտորալ» հարցը իրականում վերածվում է իշխող ռեժիմի վերարտադրությանն ուղղված եւ երկրի ինքնիշխանության վրա տապանաքարը ցեմենտելու ծրագրի։ 
Ավելի բացահայտ միջամտություն պետության ներքին գործերին դժվար է պատկերացնել»։
 
Հնարավոր է սա տեքստ, որում ասվում է «mfa.gov.lv Ministers of Foreign Affairs will discuss the upcoming parliamentary elections in Armenia to be be held on on 7 June 2026 with the Minister of Foreign Affairs of Armenia, Ararat Mirozyan. Following the EU Foreign Affairs Affairs Council, ministers will also participate in the EU-Lebanon Association Council Council and the EU-Angola Cooperation Council.» նկարն է
 
Հնարավոր է սա տեքստ, որում ասվում է «consilium.europa.eu In the margins of the meeting Ahead of the Foreign Affairs Council O 15 December, EU foreign affairs ministers will have an informal exchange over breakfast with the Minister of Foreign Affairs of Armenia, Ararat Mirzoyan. The Foreign Affairs Council on 15 December 2025 will be followed by the EU-Lebanon Association Council and the Ministerial meeting with Angola.» նկարն է

← Վերադառնալ ցուցակին