Հայաստանի Հանրապետական կուսակցություն

 

«Նոր կարդացի, որ Նիկոլի «գրպանում ծնված» և իր բառամթերքով ու ցինիկ լպիրշաբանությամբ իշխող խմբակից ոչնչով չտարբերվող մի լրատվամիջոց ինչ–որ նյութանման բան է «ծննդաբերել» ու օրենքի ակնհայտ խախտմամբ հրապարակել ԱԺ աշխատանքային փաստաթուղթ՝ ներկայացնելով այսօր նախատեսված ԱԺ լսումների որոշ մասնակիցների անուններ։ Բացի այն, որ փաստաթուղթ են «սլիվ» անում, մարդկանց էլ տարբեր էպիտետներով են պիտակավորում։

 

Նախ ասեմ, տեղի ունեցածը անթույլատրելի է, քանի որ խոսքը ԱԺ աշխատակազմի ղեկավարին փոխանցված աշխատանքային փաստաթղթի մասին է, և խորհրդարանի պատերից դուրս գալը ինքնին խոսում է սրանց ստրկային մտածելակերպի մասին։ Ասեմ, որ ցուցակ հանրայնացելու հետ կապված գաղտնիք չկա, քանի որ այդ մարդիկ այսօր ելույթ են ունենալու, նրանց բոլորը ճանաչում են, այստեղ կարևոր է այն փաստի արձանագրումը, որ նշածս «ցեխը» չի պահպանում էթիկայի ու աշխատանքային ռեժիմի տարրական կանոները և աշխատանքային փաստաթուղթ  է հանրայնացնում՝ փորձելով արհեստական ինտրիգներ ստեղծել։ 

 

Զավեշտալին այն է, որ յոթ տարի նույն դասարանում մնացած «ուսապարկերին» սպասարկողները մոռանում են իրենց տերերի իրական դեմքն ու փորձում են էժանագին տրյուկներով վիրավորել քաղաքական վաստակ և հանրային ճանաչում ունեցող մարդկանց։ Իսկ լսումների բովանդակությունը նրանց այնքան էլ չի հետաքրքրում։

 

Կասկած չունեմ, որ էսօր ՊՈԱԿ-ի ամբողջ մոնիթորինգային «սաստավը» նստեցնելու եք համակարգիչների առաջ ու այդ վեց ժամվա եթերը հատ-հատ սղագրել եք տալու, որպեսզի հետո Մոսկվայում նստած Նիկոլին 20 րոպե կտրվածքով զեկուցեք՝ ով, ինչ ասաց։

 

Հ․Գ․ Սա առաջին դեպքը չէ․ նախկինում էլ եղել են տարբեր դրվագներ, երբ նիկոլահպատակ այդ բրիգադը խորհրդարանի տեսախցիկներից «սլիվներ» է արել՝ դրանք փոխանցելով համապատասխան մարմիններին»։