Հայաստանի Հանրապետական կուսակցություն

 

«Ռուբեն Ռուբինյանի գրառումը ոչ թե փաստարկ է, այլ հերթական ցինիկ մանիպուլյացիա։ 

 

Դուք մոռացե՞լ եք, թե ով էր 2020-ի պատերազմի օրերին հպարտությամբ հայտարարում, որ Գյանջայում «ռազմավարական օբյեկտներ» են ոչնչացվել։ Հենց ձեր իշխանությունն էր։ Նիկոլ Փաշինյանն ու իր սրտի ՊՆ խոսնակ Արծրուն Հովհաննիսյանը այդ սուտը մատուցում էին որպես «մեծ հաղթանակ»։ Իսկ իրականում դա հերթական խաբեություն էր՝ մարդկանց աչքին թոզ փչելու և իրական կատաստրոֆիկ պատկերը թաքցնելու համար։

Հիմա, երբ ձեր վարկանիշը խայտառակ վիճակում  է, և անվստահության գործընթացի շուրջ ձևավորվող հնարավոր լայն համախմբումը տեսանելի է, դուք հիստերիկ փորձեր եք անում շեղել հանրային ուշադրությունը։ Փաստերը փորձում եք փոխել, մեղքը բարդում եք Սերժ Սարգսյանի վրա և քարոզչական հնարքներով փորձում եք խաբել մարդկանց։ Դուք Ռուբինյան սովորական խաբեբաներ եք: Բայց հասարակությունը հիշողություն ունի․ և հիշում է թե ով է հայտարարել, որ Արցախը Հայաստան է և վերջ, իսկ հետո շարունակական, վերջ չունեցող կապիտուլյացիան ներկայացրել որպես «խաղաղություն»։

 

Այս ամենը մեկ բան է ապացուցում․ իշխանությունը նյարդային ջղաձգումների մեջ է։ Նախ խոստովանում են, հետո հերքում իրենց  իսկ խոսքերը։ Նման վարքագիծը դուրս է քաղաքական կամ հնարավոր այլ  տրամաբանությունից։ Որքան էլ փորձեք վերաշարադրել պատմությունը, իրականությունը միշտ ձեզ  բացահայտելու է և ձեր պատմած ստերը հանելու է ջրի երես:

Ազատագրողը մնալու է որպես ազատագրող, իսկ հող հանձնողը՝ որպես հող հանձնող։ Դուք մնացիք պատմության մեջ որպես իշխանություն, որ ոչ միայն հանձնեց Արցախը, այլև մատաղ արեց հազարավոր երիտասարդ զինվոր տղերքի։ 

ՀՀ 3-րդ Նախագահ Սերժ Սարգսյանը Արցախ ազատագրած հերոս է իսկ դուք Արցախ հանձնած հողատուներ:

Ոչ մի խեղաթյուրում ու ոչ մի մանիպուլյացիա չի մաքրելու ձեր «ճակատներից» այդ սև կլեյմոն։

 

Հ.Գ. Պաշտոնական առաջին արձանագրումը 44-օրյա պատերազմի օրերին արել է գործող իշխանության ներկայացուցիչը՝

2020 թ. հոկտեմբերի 4-ին ՊՆ խոսնակ Արծրուն Հովհաննիսյանը հայտարարեց, որ հայկական կողմը հարվածել է Գյանջայի ռազմական ենթակառուցվածքներին»։